MAHAKAMA YATENGUA MATOKEO YA UBUNGE SUMBAWANGA MJINI
Ushindi alioupata mgombea wa CCM ndugu Hilal Aeshy jimbo la Sumbawanga mjini  katika uchaguzi  wa 2010 yametenguliwa leo na mahakama baada ya jaji kijiridhisha na hoja zilizotolewa na upande wa mashitaka (Ndugu Norbert Yamsebo wa CHADEMA) kuwa ndugu Aeshi alipata ushindi kwa kutumia rushwa
Pichani Mwl. Norbert Yamsebo.

Madai miongoni ni pamoja na kutoa rushwa kwa makundi mbalimbali na watu wengi walijitokeza kutoa ushahidi huo na kukiri kuwa ni kweli walipokea vitu mbalimbali ikiwemo fedha, baskeli, pikipiki, vinywaji, kinanda kwa kanisa katoliki, nk kwa sharti la kumpigia kura mbaya zaidi ni kwa mkurugenzi mwanamama kutoa ushahidi wa kupinga ushindi wa mbunge huyo, mkurugenzi huyo alihamishwa muda mfupi mara baada ya matokeo ya uchaguzi kutolewa na kupelekwa wilaya ya Ileje.

Moja ya kituko kilichotokea katika kesi hii mara baada ya mbunge huyo kuulizwa kama anaamini kuwa alishinda uchaguzi na kusema hajui kama alishinda ila mkurugenzi ndiye anayejua ushindi huo.

Umati ulijitokeza kwa wingi sana na watu walijaa ndani hivyo ilibidi spika zifungwe nje na mara baada ya hukumu kusomwa wafuasi wa CHADEMA walionekana wakishangilia kwa furaha.

SIMBA KUIPA NAFASI YANGA MICHUANO YA AFRICA MWAKANI

YANGA inaweza kushiriki michuano ya Kombe la Shirikisho la Soka Afrika mwakani, iwapo itashika nafasi ya tatu mwishoni mwa Ligi Kuu ya Vodacom Tanzania Bara. Lakini hiyo ni iwapo tu, Simba SC itafanikiwa kuingia hatua ya makundi ya Kombe la Shirikisho la Soka Afrika (CAF).

Hiyo ni kwa mujibu wa kanuni mpya za mashindano ya klabu Afrika za Shirikisho la Soka Afrika (CAF), kwamba nchi ambazo kwa sasa zina nafasi moja moja za kuingiza timu kwenye michuano ya klabu, zitakuwa zikiongezewa nafasi moja moja katika michuano ambayo klabu yake imefanikiwa kuingia hatua ya makundi.

Kwa mfano mwaka huu Sudan imeshirikisha timu nne kwenye michuano hiyo, mbili Ligi ya Mabingwa na mbili Kombe la Shirikisho, kwa sababu msimu uliopita iliingiza timu zake kwenye hatua za makundi za michuano yote hiyo.

Tanzania bado ina nafasi moja moja tu ambazo hadi sasa tayari Simba na Azam zimejihakikishia kucheza kwa msimu ujao.

Jioni ya jana, Simba SC imeonyesha dalili za kuifungulia njia Tanzania kuingiza timu tatu kwenye michuano ya Afrika mwakani, moja Ligi ya Mabingwa na mbili Shirikisho, baada ya kujiwekea mazingira mazuri ya kuingia kwenye hatua ya Nane Bora ya Kombe la Shirikisho kwa kuifunga Al Ahly Shandy mabao 3-0 katika mchezo wa kwanza wa hatua ya 16 Bora ya michuano hiyo, kwenye Uwanja wa Taifa, Dar es Salaam.

Sasa Simba inahitaji sare yoyote au kufungwa si chini ya mabao 2-0, ili kuuungana na timu nane zitakazotolewa kwenye Ligi ya Mabingwa kuwania kucheza hatua ya makundi ya Shirikisho.

Maana yake- Simba ikiitoa Al Ahly Shandy itacheza na timu iliyotolewa Ligi ya Mabingwa ili kuwania tiketi ya kucheza hatua ya makundi.

Simba jana ingeweza kuondoka na ushindi mnono zaidi wa mabao 5-0, kama si kupoteza penalti kipindi cha kwanza na nafasi moja ya wazi mnamo kipindi cha pili.

Kipindi cha kwanza cha mchezo huo, kilikuwa kigumu kwa Simba, lakini baada ya kupata mawaidha ya kocha wao, Profesa Milovan Cirkovic, Simba waliingia na mvua ya mabao kipindi cha pili na kuufanya Uwanja wenye uwezo wa kumeza mashabiki 60,000 uchangamke.

Bao la kwanza la Simba lilifungwa na Haruna Moshi Shaaban ‘Boban’, dakika ya 66 baada ya kupokea pasi nzuri kutoka kwa Felix Mumba Sunzu Jr. Sunzu alipokea pasi ndefu ya Uhuru Suleiman Mwambungu, ambaye aliuwahi mpira uliookolewa baada ya Simba kushambuliwa.

Sunzu alifanya kazi nzuri ya kumtoka beki wa Shandy, Fareed Mohamed kabla ya kumpa pasi mfungaji.

Bao la pili la Simba lilifungwa na Patrick Mutesa Mafisango, baada ya kazi nzuri iliyofanywa na Emmanuel Arnold Okwi kuwatoka mabeki wa Shandy.

Bao la tatu la Simba lilipatikana dakika ya 86, mfungaji Emanuel Okwi kufuatia gonga safi ya wachezaji wa Simba kwenye eneo la hatari la Shandy.

Boban alikaribia kufunga tena kabla ya hapo, baada ya kupewa pasi nzuri akiwa amebaki yeye na kipa, lakini akapiga juu ya lango.


Source: Abdallah Sulay 
Imewekwa na Hillary E. Sandagila

Baraza la Mawaziri la Tanzania kuvunjwa 

 

Kamati Kuu iliyokutana leo tarehe 27/04/2012 chini ya Mwenyekiti wake Mhe. Dr. Jakaya Mrisho Kikwete Jijini Dar es salaam, pamoja na mambo mengine imefanya yafuatayo.;

A. UTEUZI
Kamati Kuu imeteua wafuatao kuwa makaimu Katibu wa mikoa. Vituo vyao vya kazi vitapangwa baadae. Uteuzi huu unatokana na kuwepo kwa mikoa wazi mitano, mikoa hiyo ni;

Geita
Njombe
Simiyu
Katavi
Magharibi
Hivyo wafuatao wameteuliwa kuwa makaimu katibu wa CCM wa Mikoa.

1. Ndg. Hilda Kapaya
2. Ndg. Shaibu Akwilombe
3. Ndg. Hosea Mpangile
4. Ndg. Alphonce Kinamhala
5. Ndg. Aziz Ramadhani Mapuri

B. HALI YA KISIASA:
Rais amepokea taarifa na maazimio ya Kamati ya wabunge wa CCM na Kamati ya uongozi ya wabunge wa CCM juu ya kilichotokea kwenye bunge lililopita mjini Dodoma.

Taarifa hizo zimewasilishwa kwenye kamati kuu na kujadiliwa. Pamoja na taarifa hizo kamati Kuu imepokea taarifa ya jinsi Rais alivyojipanga kuchukua hatua za kuwawajibisha mawaziri na watendaji wa serikali na wale wa mashirika ya umma waliobainika kuhusika na ubadhirifu ulioinishwa na taarifa ya Mkaguzi na mdhibiti mkuu wa hesabu za Serikali, Kamati za kudumu za bunge na wabunge bungeni.

Kamati Kuu imeamua yafuatayo;
1. Kamati Kuu inatambua na kuheshimu haki na wajibu wa wabunge kujadili utendaji wa serikali yao.Inapongeza juhudi za serikali kuhakikisha kuwa ripoti ya mkaguzi na mdhibiti mkuu wa hesabu za serikali inajadiliwa kwa uwazi na hivyo kuibua mapungufu yaliyojadiliwa.

2. Kamati Kuu imeridhika na imebariki uamuzi wa Rais KULISUKA UPYA BARAZA LA MAWAZIRI na taasisi zingine zilizoanishwa katika ripoti hizo. Imesisitiza utekelezaji wa uamuzi huo ufanywe mapema iwezekanavyo.

Aidha kamati Kuu imeipongeza Kamati Teule ya baraza la wawakilishi Zanzibar iliyoundwa kuchunguza utendaji katika sekta mbalimbali kwenye serikali ya mapinduzi Zanzibar kwa taarifa yao.

Kamati Kuu inawapongeza wajumbe wa Baraza la Wawakilishi kwa jinsi walivyojadili taarifa hiyo na pia Kamati Kuu inaipongeza Serikali ya Mapinduzi Zanzibar kwa kuipokea taarifa na kuanza kuifanyia kazi.


Nape Moses Nnauye
Chama Cha Mapinduzi
The Ideology and Publicity Secretary

BREAKING NEWS:- TUNDU LISSU ASHINDA KESI YA KUPINGA UBUNGE WAKE

•  
• Hoja zote za upande wa mlalamikaji zatupwa.
• Maofisa Jeshi pamoja na kikosi maalum waudhulia maakamani.

Mbunge wa Singida Mashariki kwa tiketi ya CHADEMA, Tundu Lissu, ameshinda kesi iliyofunguliwa dhidi yake mjini Singida kupinga ushindi uliomweka madarakani

Hukumu imetolewa na Jaji Moses Mzuna anayetoka mahakama kuu kanda ya Kilimanjaro, iliyofunguliwa na makada wawili wa CCM, Shabani Itambu na Pascal Hallu.

Kesi hiyo imekuwa kivutio sana kwa wananchi wengi wa mkoa Singida na nchini kwa ujumla, kutokana na umaarufu wa mbunge huyo machachari.

Leo mahakamani wafuasi wa vyama mbalimbali vya siasa, wananchi wa Singida, na waandishi wa habari walijitokeza kwa wingi sana katika eneo la mahakama.

Idadi ya Polisi pia ilikuwa kubwa, ndani na nje ya mahakama.Kilicho kuwa cha ajabu kidogo leo getini maofisa wote wakubwa wa jeshi la polisi walikuwepo pale na kikosi maalumu kwa ajili ya kukagua kila anayeingia mahakamani,  kila mtu aliyekuwa anaingia mahakamani alipekuliwa hadi wabunge waliokuja kusikiliza kesi hiyo.

Akisoma hukumu Jaji Moses Mzuna alisema “HOJA YA TISA, Kama Mgombea wa walalamikaji (CCM) alikataa kusaini matokeo. Hoja hii haipaswi kunipotezea muda sana. Njau hakuhudhuria, aliwakilishwa na mlalamikaji wa kwanza ambaye alikataa kusaini matokeo.

Wakili wa serikali alisema, kukataa pekee kusaini matokeo hakusaidii kutengua matokeo. Hivyo hata hoja ya tisa naitupilia mbali. Haikuwa sahihi.

Hoja ilitolewa hapa, kuwa mawakala walikula kiapo kwa hakimu. Walalamikaji walisema kuwa walipaswa kula kiapo kwa msimamizi wa uchaguzi. Je kuapishwa na hakimu kunabatilisha matokeo?

Hoja zilizotolewa na mawakili wa serikali walisema Hakimu ana mamlaka ya kutoa viapo. Binafsi nasema kuwa waliotunga sheria hawakumaanisha kuwa Mahakimu hawaruhusiwi kuapisha mawakala, vinginevyo kungekuwepo fomu ya hakimu tu. Lakini fomu zinaonyesha hakimu, Msimamizi wa uchaguzi na Msimamizi msaidizi, fomu inatambulika kisheria, kwa sheria ya Uchaguzi. Hii haihusiani na zoezi la uchaguzi.

Katika kesi ya Prince bagenda Vs Wilson masilingi, katika kesi hii
mawakala walifanya kazi bila kuapishwa, na ilichukuliwa kuwa sehemu ya kutengua uchaguzi, angalia pg 240.

Kwa lugha yake jaji alisema hawakuwa na mamlaka halali, lawful mandate, lakini ilisaidia kutengua, na mwanasheria wa serikali alihusika katika hili.

Maelezo hayo yanatofautiana na kesi iliyo mbele yangu, jimbo la Singida mashariki mawakala walikula kiapo, na walikuwa na mamlaka halali. Hivyo hoja hii naitupilia mbali

HIVYO, UCHAGUZI ULIKUWA WA HAKI, NA TUNDU LISSU NI MBUNGE HALALI NA UCHAGUZI ULIKUWA HURU NA WA WA HAKI, HIVYO SIWEZI KUTENGUA.

Walalamikaji wa kesi hiyo, iliyofunguliwa mahakama kuu kanda ya Dodoma, walikuwa wanatetewa na wakili Godfrey Wasonga, kutoka mkoani Dodoma, huku Lissu akijisimamia mwenyewe.

Kesi hiyo ilianza kusikilizwa Machi 12, 2012, kufuatia makada wawili wa CCM, kupinga ushindi wa Lissu kwa madai kuwa uchaguzi huo uligubikwa na dosari nyingi.

Awali Katika mahojiano na Lissu, alisema vyovyote mahakama itakavyo hukumu, anajivunia kuimarisha demokrasia na kuwa mbunge wa kwanza kutoka upinzani, kwenye historia ya mikoa ya kanda ya kati.

TFF YAIPA AZAM POINT 3 NA MAGOLI 3-0 DHIDI YA MTIBWA SUGAR

Release No. 064

TAARIFA KWA VYOMBO VYA HABARI

Aprili 26, 2012

MECHI YA TWIGA STARS, ZIMBABWE YAFUTWA

Mechi ya kirafiki ya kimataifa kati ya timu ya Taifa ya wanawake (Twiga Stars) na Zimbabwe iliyokuwa ichezwe keshokutwa (Aprili 28 mwaka huu) kwenye Uwanja wa Taifa, Dar es Salaam imefutwa.

Uamuzi huo umefanywa na Chama cha Mpira wa Miguu Zimbabwe (ZIFA) ambayo sasa imeamua kucheza mechi ya kirafiki na Zambia. Mechi hiyo itachezwa Aprili 28 mwaka huu jijini Harare.

Twiga Stars inaendelea na mazoezi chini ya kocha wake Charles Boniface Mkwasa katika kambi ya Jeshi la Kujenga Taifa (JKT) iliyoko Ruvu mkoani Pwani.

Shirikisho la Mpira wa Miguu Tanzania (TFF) linaendelea na jitihada za kuitafutia mechi za kirafiki Twiga Stars kabla ya kucheza mechi ya mashindano dhidi ya Ethiopia ambayo itafanyika Mei 26 mwaka huu jijini Addis Ababa.

MTIBWA SUGAR YAPOTEZA MECHI DHIDI YA AZAM

Kamati ya Ligi ya Shirikisho la Mpira wa Miguu Tanzania (TFF) imemuondoa mwamuzi Rashid Msangi wa Dodoma kwenye orodha ya waamuzi kwa kuvuruga mechi ya Ligi Kuu ya Vodacom kati ya Azam na Mtibwa Sugar iliyochezwa Aprili 23 mwaka huu.

Pia waliokuwa waamuzi wasaidizi wa mechi hiyo; Samuel Mpenzu na Abdallah Uhako wote kutoka Arusha nao wameondolewa kwenye orodha ya waamuzi wa Ligi Kuu ya Vodacom.

Vilevile Kamati imeipa Azam ushindi wa mabao 3-0 kwa mujibu wa Ibara ya 31 ya Kanuni za Nidhamu za Shirikisho la Kimataifa la Mpira wa Miguu (FIFA). Kwa mujibu wa kanuni hiyo, timu itakayohesabika kupoteza mechi (Mtibwa Sugar) itakuwa imefungwa mabao 3-0.

Kwa mujibu wa Kanuni ya Ligi Kuu ya Vodacom kifungu cha 22(3-6) Mtibwa Sugar imepigwa faini ya sh. 500,000, imepoteza mapato yote ya mchezo huo na inatakiwa kulipa faini hiyo kabla ya mechi inayofuata.

Nao makamishna watatu; Abdallah Mitole wa Dar es Salaam, William Chibura (Musoma) na Omari Mawela (Mwanza) wameondolewa kwenye orodha ya Ligi Kuu ya Vodacom kwa kushindwa kufika kwenye mechi walizopangiwa kusimamia bila taarifa.

Makamishna hao wametakiwa kutoa maelezo ya maandishi wakieleza sababu za kutofika kwenye mechi. Mechi walizokuwa wamepangia ni Coastal Union vs Ruvu Shooting (Mitole), Kagera Sugar vs Yanga (Chibura) na Kagera Sugar vs African Lyon (Mawela).

Nayo Moro United imepigwa faini ya sh. 500,000 baada ya wachezaji wake kugoma kuingia kwenye vyumba vya kubadirishia (dressing rooms) wakati wa mechi namba 171 kati yao na Simba iliyochezwa Uwanja wa Taifa, Dar es Salaam. Adhabu hiyo ni kwa mujibu wa kanuni ya 8(16).

Pingamizi la Villa Squad dhidi ya African Lyon kuwa wakati wa mechi yao ilitumia wachezaji wawili (Mohamed Samata na Benedict Jacob) ambao mikataba yao imemalizika limetupwa kwa vile wana leseni halali za kucheza ligi.

Pia mwamuzi wa mechi namba 160 kati ya Moro United na Oljoro JKT, Nathaniel Lazaro wa Kilimanjaro amefungiwa miezi sita na kuondolewa kwenye orodha ya waamuzi kwa kutozingatia kutunza muda kwa mujibu wa kanuni ya 26(1)(f).

Vilevile Kamishna wa mechi ya Moro United na Oljoro JKT, Ali Mkomwa wa Pwani na Said Mnonga wa Mtwara aliyekuwa mwamuzi msaidizi mechi kati ya Villa Squad na Coastal Union wameandikiwa barua za onyo wakitakiwa kuwa makini kwenye michezo wanayosimamia.

9 POLISI WAPIGWA FAINI MIL 1/- KILA MMOJA

Kamati ya Ligi ya TFF imewafungia mechi tatu na kuwapiga faini y ash. milioni mmoja kila mmoja wachezaji tisa wa timu ya Polisi Dodoma baada ya kumpiga mwamuzi Martin Saanya kwenye mechi dhidi ya Azam iliyochezwa Aprili 14 mwaka huu mjini Dodoma.

Wachezaji hao walioadhibiwa kwa mujibu wa kanuni ya 25(g)(iii) ni Noel Msekwa, Frank Sindato, Abdallah Matila, Bantu Admin, Salmin Kisi, Madope Mwingira, Sihaba Mkude, Kaliyasa Mashaka na Ibrahim Massawe.

Iwapo wachezaji hao watahama Polisi na kujiunga na timu nyingine, watahama na adhabu zao.

Vilevile timu ya Polisi Dodoma imepigwa faini ya sh. 500,000 kutokana na vurugu za washabiki wake katika mechi hiyo iliyochezwa Uwanja wa Jamhuri. Pia timu hiyo imepewa barua ya onyo kwa kuchelewa kufika uwanjani kwenye mechi dhidi yao na Yanga iliyochezwa Uwanja wa Taifa, Dar es Salaam.

Boniface Wambura

Ofisa Habari

Shirikisho la Mpira wa Miguu Tanzania (TFF)

MECHI YA SIMBA NA WASUDANI MAANDALIZI YAKAMILIKA.         

 

 

 

  TAARIFA KWA VYOMBO VYA HABARI

NDUGU waandishi.

Kama mnavyofahamu, Jumapili ya Aprili 29 mwaka huu, timu ya soka ya Simba inakutana na klabu ya Al Ahly Shandy kutoka Sudan katika mchezo wa hatua ya 16 bora ya michuano ya Kombe la Shirikisho (CAF), kwenye Uwanja wa Taifa jijini Dar es Salaam. 

Simba ni timu pekee kutoka katika nchi za Jumuiya ya Afrika Mashariki (EAC) iliyobaki katika michuano yote ya kimataifa inayosimamiwa na CAF. 

Kubwa zaidi, ndiyo wawakilishi pekee wa Tanzania waliobaki katika michuano ya kimataifa na hivyo wanabeba bendera ya taifa kokote kule waliko. 

Maandalizi yote kwa ajili ya pambano hilo yamekamilika. 

Wapinzani wetu, Al Ahly wanatarajiwa kuwasili kesho saa saba mchana kwa ndege ya Ethiopia Airlines. 

Waamuzi na Kamishina wa mchezo wamepangwa kuwasili Ijumaa (keshokutwa) wakitokea nchini Swaziland na Rwanda.

VIINGILIO 

Kutokana na ukweli kwamba mechi hiyo itakuwa ya kimataifa, Simba imepanga viingilio ambavyo kila mwananchi ataweza kuvimudu. Viingilio vitakuwa kama ifuatavyo. 

Viti vya bluu na kijani itakuwa Sh. 5,000, Rangi ya Chungwa Sh, 10,000, VIP C 15,000, VIP B 20,000 na VIP A 30,000. 

Tiketi zitauzwa katika maeneo yafuatayo, Big Bon, Benjamin Mkapa, Stears Mjini, Mbagala Dar Live, OilCom Buguruni, Tandika Mwembeyanga, Ubungo Oilcom, Mwenge Bus Stand, BP Mwananyamala na Gapco Ukonga. 

Tiketi zitaanza kuuzwa siku ya Ijumaa asubuhi katika maeneo yaliyotajwa. 

Klabu imepokea maombi mengi kutoka kwa wanachama na wapenzi wake kutoka mikoani na ingeomba kwamba wale wanaotaka kuja kutazama mechi hii kwa makundi kutoka mikoani, wawasiliane mapema na uongozi ili wanunuliwe tiketi zao mapema.

 Simba SC imechapa tiketi za kutosha na ingeomba wapenzi na wanachama wake kujitokeza kwa wingi kwenye pambano hilo. 

Wana Simba wote wanaombwa kuja uwanjani wakiwa wamevalia mavazi yao ya rangi Nyekundu na Nyeupe ili uwanja mzima upendeze kwa rangi hizo. 

Tunatoa wito kwa vyombo vya habari kuisaidia Simba na Tanzania kwa kuelekeza nguvu zao katika uandishi wa taarifa ambazo zitaisaidia timu yetu kusonga mbele na si kuondoa morali au kusababisha watu wasiende uwanjani.

Shukrani. 

Uongozi wa Simba SC unatoa shukrani, kwa namna ya kipekee kabisa, kwa serikali kutokana na uamuzi wake wa kuruhusu Wekundu wa Msimbazi kufanya mazoezi katika Uwanja wa Taifa kujiandaa na mechi hii muhimu. 

Ezekiel Kamwaga

Msemaji

Simba SC

MANCHESTER UNITED WAENDELEA KUONGOZA KWA UTAJIRI DUNIANI KWA MWAKA WA 8 MFULULIZO - YAZIFUNIKA REAL NA BARCA.

MANCHESTER UNITED WAENDELEA KUONGOZA KWA UTAJIRI DUNIANI KWA MWAKA WA 8 MFULULIZO - YAZIFUNIKA REAL NA BARCA.

Manchester United wametajwa tena kama timu ya soka tajiri zaidi duniani - wakitajwa kuwana thamani ya £1.39billion.

Mabingwa hao wa Uingereza wamekaa kileleni mwa listi ya jarida la kimarekani la Forbes kwa miaka 8 mfululizo kufuatia mwaka mwingine wa mafanikio chini ya Sir Alex Ferguson.

Majirani zao Manchester City wenyewe pamoja na matanuzi yote ya Fedha hawajaweza hata kuingia Top 10 - wakishika nafasi ya 13.

Timu nyingine ya kiingereza iliyofuata nyayo za United ni Arsenal waliopo nafasi ya nne, wakifuatiwa na Chelsea katika nafasi ya saba, Liverpool wapo nafasi ya 8 na Tottenham wakiwa nafasi ya 11.

Giants wa Spain Real Madrid wapo nafasi ya pili, wakifuatiwa na wapinzani wao Barcelona. Bayern Munich wamekamta nafasi ya tano.

LISTI KAMILI TIMU TAJIRI DUNIANI BY FORBES MAGAZINE

Rank	Team	Current Value ($mil)	1-Yr Value Change (%)	Debt/Value (%)	Revenue ($mil)	Operating Income ($mil)
1	Manchester United	2,235	20	32	532	178
2	Real Madrid	1,877	29	13	695	214
3	Barcelona	1,307	34	54	653	96
4	Arsenal	1,292	8	32	364	98
5	Bayern Munich	1,235	18	13	466	90
6	AC Milan	989	18	9	341	29
7	Chelsea	761	16	22	362	76
8	Liverpool	619	12	8	295	45
9	Juventus	591	-8	15	223	-38
10	Schalke 04	587	56	40	293	101

BARCELONA ACHEZEA KICHAPO.

Cristiano Ronaldo overshadowed Lionel Messi as the Real Madrid star scored the winning goal in a 2-1 victory over Barcelona, helping Los Blancos move seven points clear at the top of La Liga.

ORODHA YA WABUNGE WALIO TIA SAINI

ORODHA YA WABUNGE WALIO TIA SAINI

1. Rashid Ali Abdallah – CUF
2. Chiku Aflah Abwao- Chadema
3. Saluim Ali Mbarouk – CUF
4. Salum Khalfam Barwany – CUF
5. Deo Haule Filikuchombe- CCM
6. Pauline Philipo Gekul- Chadema
7. Asaa Othman Hamad- CUF
8. Prof.Kuliyokela Kahigi- Chadema
9. Naomi Mwakyoma Kaihula – Chadema
10. Sylvester Kasulumbayi- Chadema
11. Raya Ibrahim Khamis - Chadema
12. Mkiwa Hamad Kiwanga - CUF
13. Susan Limbweni Kiwanga- Chadema
14. Grace Sindato Kiwelu –Chadema
15. Kombo Khamis Kombo – cuf
16. Joshua Samwel Nassari – Chadema
17. Tundu Antiphas Lissu- Chadema
18. Aphaxar Kangi Lugola- CCM
19. Susan Anselim Lymo- Chadema
20. Moses Machali – NCCR Mageuzi
21. John Shibuda Magalle – Chadema 
22. Faki Haji Makame- CUF
23. Esther Nicholas Matiko- Chadema
24. Joseph Osmund Mbilinyi- Chadema
25. Freman Aikaeli Mbowe- Chadema
26. Kurudhum Jumanne Mchuchuli – Chadema
27. Halima James Mdee-Chadema
28. John John Mnyika- Chadema
29. Augustino Lyatonga Mrema- TLP
30. Maryam Salum Msabaha- Chadema
31. Peter Msingwa-chadema
32. Christowaja Gerson Mtinda- Chadema
33. Philipa Geofrey Mturano- Chadema
34. Christina Lissu Mughwai- Chadema
35. Joyce John Mukya – Chadema
36. Mchungaji Israel Yohane Natse – Chadema 
37. Philemon Ndesamburo- Chadema
38. Ahmed Juma Ngwali- CUF
39. Vincent Josephat Nyerere- Chadema
40. Rashid Ali Omar- CUF
41. Meshack Jeremiah Opulukwa- Chadema
42. Lucy Philemon Owenya- Chadema
43. Rachel Mashishanga- Chadema
44. Mhonga Said Ruhwanya – Chadema
45. Conchesta Rwamlaza – Chadema
46. Moza Abedi Saidy- CUF
47. Joseph Roman Selasini – Chadema 
48. David Ernest Silinde- Chadema
49. Rose Kamili Sukum - Chadema
50. Cecilia Daniel Paresso- chadema
51. Kabwe Zuberi Zitto- Kigoma Kaskazini
52. Magdalena Sakaya – CUF
53. Rebecca Mngodo- CUF
54. Sabreena Sungura -Chadema
55. Hamad Rashid Mohammed- CUF
56. Rukia Kassim Ahmed- CUF
57. Mustapha Boay Akoonay -Chadema
58. Abdalla Haji Ali -CUF
59. Khatibu Said Ali -CUF
60. Hamad Ali Hamad -CUF
61. Riziki Omar Juma -CUF
62. Haji Khatibu Kai -CUF
63. Anna Marystella John Malack -Chadema 
64. Hamad Rashid Mohamed -CUF
65. Rajab Mbarouk Mohamed -CUF
66. Thuwayba Idrissa Muhamed -CUF
67. Masoud Abdallah Salum -CUF
68. Muhamad Ibrahim Sanya -CUF
69. Ali Khamis Seif -CUF
70. Haroub Muhammed Shamis -CUF
71. Amina Amour Nassoro -CUF

SIMBA, MORO UNITED KUCHEZA USIKU

Mechi ya Ligi ya Vodacom kati ya Simba na Moro United iliyokuwa ichezwe Aprili 5 mwaka huu kwenye Uwanja wa Taifa, Dar es Salaam imerudishwa nyuma hadi Jumatatu ya Aprili 23 mwaka huu kwenye uwanja huo huo na itaanza saa 1 kamili usiku.

Mabadiliko hayo yamefanyika ili kuipa Simba fursa ya kujiandaa vizuri kwa mechi yao ya Kombe la Shirikisho la Afrika dhidi ya Al Ahly Shandy ya Sudan itakayochezwa Aprili 29 mwaka huu Uwanja wa Taifa, Dar es Salaam kuanzia saa 10 kamili jioni.

Pia mechi kati ya Azam na Mtibwa Sugar iliyokuwa ichezwe Aprili 21 mwaka huu kwenye Uwanja wa Chamazi, Dar es Salaam imesogezwa mbele hadi Aprili 22 mwaka huu kupisha mechi ya U20 kati ya Tanzania na Sudan itakayochezwa Aprili 21 mwaka huu Uwanja wa Taifa, Dar es Salaam.

Mechi nyingine mbili zimefanyiwa marekebisho; Coastal Union na Kagera Sugar zilizokuwa zicheze jijini Tanga, Aprili 29 mwaka huu, mechi yao imesogezwa hadi Aprili 30 mwaka huu ili kupisha shughuli za Mei Mosi kwenye Uwanja wa Mkwakwani. Nazo Azam na Toto Africans zilizokuwa zicheze Aprili 26 mwaka huu Uwanja wa Chamazi, sasa zitacheza Aprili 28 mwaka huu.

Boniface Wambura

Ofisa Habari

Shirikisho la Mpira wa Miguu Tanzania (TFF)

KAMATI YA TIBAIGANA YAITUPILIA MBALI RUFAA YA YANGA.

KAMATI YA TIBAIGANA YAITUPILIA MBALI RUFAA YA YANGA.

KAMATI ya Nidhamu ya Shirikisho la Soka Tanzania (TFF) imeitupili mbali rufaa ya Yanga,  kupinga kopokonywa pointi tatu ilizozivuna kwenye mechi na Coastal Union ya Tanga.
Habari kutoka ndani ya kikao cha kamati hiyo kilichofanyika jana chini ya Mwenyekiti wake, Alfred Tibaigana, kamanda Mstaafu wa Polisi Kanda Maalum, Dar es Salaam zimesema rufaa ya Yanga imetupwa.

Yanga iliifunga Coastal 1-0, Uwanja wa Mkwakwani, Tanga bao pekee la Mwanasoka Bora wa Uganda, Hamisi Kiiza, lakini Kamati ya Ligi Kuu ikawapokonya pointi kwa kosa la kumtumia beki Nadir Haroub ‘Cannavaro’ aliyekuwa anatumikia adhabu.

Kupokwa pointi hizo, kunamaanisha Yanga sasa iko hatarini kukosa nafasi ya kucheza michuano ya Afrika mwakani, kutokana na Simba SC sasa kuwa inaongoza ligi kwa pointi zake 53 na Azam yenye pointi 50 inashika nafasi ya pili.

Yanga yenye pointi 43 inashika nafasi ya tatu na leo itakuwa mgeni wa Kagera Sugar katika mchezo mwingine wa Ligi Kuu.

Prof.BAREGU aeleza kwa nini hakutumia Biblia kuapa

"I was baptized a Catholic when i was young at school..i wouldnt want to be hyprocrite as i believe God is there(is sovereign and exists), not in the house of bibles or Qurans..i ve never been doctrinaire for Christianity or any religion from abroad, i believe in a lot of things in Africa..Africans ve abondoned their indigenous spiritualism from their own 'Gods' and what they do now is nothing other than hyprocricy..

There is spiritual push from the devevoloped world but still some respect their denominations.For example, Hinduism is still playing a big role and most respected by Indians communities."

Baregu subsribes to humanity,justice,equality ,clean environment, fairness and equity,between community and conscious building.
Source:The African,Monday,April 16 2012.

ARUSHA WASEMA MUNGU ANAJIBU MAOMBI PAPO KWA PAPO!!
BAADA YA MFUNGO WA SIKU SABA AMBAO LEO NDIO KILELE,MUNGU ATUPA ISHARA YUPO PAMOJA NASI.....
Yani walichokifanaya mahakama na ccm kwa mbunge wetu Godbless Lema ni jambo ambalo naamini kwa maombi yale tuliyoyaanza toka jumanne ilopita ule mfungo wetu Mungu ameusikia na leo ndio pigo la kwanza kwa UVCCM,Sasa hiyo ni trela tu,bado tutegemee mpasuko mkubwa ndani ya ccm.......Mungu wetu huwa anatusikiliza sana kwa maana anajua tuko pamoja nae.......

Mafisango aiweka pazuri Simba, Toto waikamata Yanga

VPL YAFIKIA PATAMU

Mafisango aiweka pazuri Simba, Toto waikamata Yanga

Patrick Mutesa Mafisango

Goli la kiungo toka nchini Rwanda Patrick Mafisango lilitosha kuwapa point 3 Simba SC, wakati mpinzani wake wa jadi Yanga akilala goli 3 toka kwa Toto Africa katika muendelezo wa michezo ligi kuu ya vodacom.

SIMBA YAJIKITA KILELENI

Vinara wa ligi kuu ya Vodacom Simba SC wameendelea kukalia kileleni mwa msimamo wa ligi kuu ya Vodacom, baada ya kuwachapa Ruvu Shooting goli 1-0 katika nyasi za uwanja wa Taifa na kufanya wigo wa point baina yake na Azam kuwa 3.

Simba ilibidi wangoje mpaka dakika ya 80 ndipo walipo pata goli lao la ushindi lililofungwa na Patrick Mutesa Mafisango.

TOTO AFRICA WAITOA RELINI YANGA

Kwa mara ya kwanza katika historia ya uwanja wa CCM Kirumba kushuhudia Toto Africa akiibuka na ushindi mbele ya Yanga iliyo katika mbio za kusaka ubingwa wa Tanzania Bara.

Katika mchezo huo Toto Africa waliwaduwaza Yanga baada ya kupata goli katika dakika ya 18 kupitia kwa Mussa Said na Kabla hawajakaa sawa walishangaa wanafungwa la pili kupitia kwa Kulwa Mobbi katika dakika ya 24.

Mussa Saidi alirejea kwenye nyavu za yanga katika dakika ya 39, huku yanga walipata goli lao la kwanza kupitia kwa Hamisi kiiza dakika ya 43. Na Toto kwenda mapumziko wakiwa mbele kwa goli 3-1.

Yanga walirejea kipindi cha pili na kupata goli la pili kupitia kwa Hamisi Kiiza katika dakika ya 65, likiwa ni goli lake la pili katika mchezo wa leo na kupelekea mchezo kumalizika kwa Yanga kufungwa goli 3-2 na Toto Africa.

Kocha mkuu wa Yanga Mserbia, Kosradin Papic alizomewa na mashabiki wa Yanga mjini Mwanza kutokana na kiwango kibovu ambacho timu hiyo inacheza hivi sasa.

Kwa matokeo hayo yanapelekea kutofautiana kwa point 10 na vinara Simba na point 7 kutoka kwa Azam lakini wakiwa nyuma mchezo mmoja.

MCHEZO MWINGINE

COASTAL UNION 2-4 VILLA SQUAD

MAN CITY YAIONGEZEA PRESSURE MAN UNITED
Norwich City vs Manchester City Report

 

English Premier League (EPL)

4/14/12 Live

7:30 AM EDT

Norwich City vs. Manchester City (Live Only)

 

Norwich City

1 vs 6

Manchester City

Played
April 14, 2012 7:45 AM EDT
Carrow Road — Norwich, Norfolk
Referee:‬ C. Foy‎
Attendance:‬ 26812‎

 

51′ Andrew Surman

Carlos Tevez 18′

 

Kun Agüero 27′

 

Carlos Tevez 73′

 

Kun Agüero 75′

 

Carlos Tevez 80′

 

Adam Johnson 90+3

Msimamo wa Ligi

TIMU ZA MAJESHI ZAENDELEA KUCHUANA KUINGIA LIGI KUU

Msimamo wa Ligi

MSIMAMO WA LIGI KUU YA VODACOM (VPL)

Rank	Team	GP	W	D	L	GD	Pts
1	Simba SC	22	15	5	2	23	50
2	Azam FC	22	14	5	3	22	47
3	Yanga SC	21	13	4	4	13	43
4	Mtibwa Sugar	22	10	4	8	7	34
5	Coastal Union	22	10	2	10	-1	32
6	JKT Ruvu	22	7	9	6	-2	30
7	JKT Oljoro	22	7	7	8	-4	28
8	Ruvu Shooting	22	6	9	7	1	27
9	Kagera Sugar	21	5	9	7	-2	24
10	African Lyon	21	5	6	10	-6	21
11	Toto African	21	3	11	7	-7	20
12	Villa Squad	22	5	4	13	-19	19
13	Moro United	22	3	9	10	-13	18
14	Polisi Dodoma	22	3	8	11	-12	17

MSIMAMO WA LIGI DARAJA LA KWANZA 9 BORA

Rn	Team	GP	W	D	L	GD	Pts
1	Mgambo Shooting	5	3	2	0	6	11
2	Polisi Moro	4	3	1	0	7	10
3	T. Prisons	4	2	1	1	1	7
4	Polisi DSM	5	1	3	1	2	6
5	Mbeya City	4	1	2	1	1	5
6	Rhino Ranger	5	1	2	2	-2	5
7	Polisi Tabora	4	1	1	2	-3	4
8	Mlale	4	1	1	2	-5	4
9	Trans Camp	5	0	1	4	-7	1

UKATAE UKUBALI SIMBA NDO BABA YAO AFRIKA MASHARIKI NA KATI

Simba tunu ya Afrika Mashariki

SASA ni rasmi kwamba Simba SC ndiyo fahari ya nchi tano za Jumuiya ya Afrika Mashariki kwa mwaka huu.
Kwa mujibu wa tovuti ya Shirikisho la Soka Afrika (CAF), Simba ndiyo timu pekee ya Afrika Mashariki ambayo imebaki katika michuano ya makombe yanayosimamiwa na Shirikisho hilo.
Kwa mujibu wa tovuti hiyo, hakuna timu kutoka katika jumuiya hiyo ambayo bado ipo katika michuano hiyo ukiondoa Simba SC. Nchi tano zinaunda Jumuiya hiyo ambazo ni Tanzania, Kenya, Uganda, Rwanda na Burundi.
Orodha hiyo inaonyesha kwamba nchi ya Sudan ndiyo kinara kwa ngazi ya vilabu barani Afrika kufikia sasa baada ya kuingiza timu nne katika michuano ya Ligi ya Ligi ya Mabingwa na Kombe la CAF.
Timu ambazo Sudan imeingiza katika michuano hiyo ni El Merreikh na Al Hilal ambazo zimesonga mbele katika Ligi ya Mabingwa na Al Ahly Shandy na El Amal ambazo zimesonga mbele katika Kombe la Shirikisho (CAF).
Shandy ndiyo timu ambayo itacheza na Simba katika hatua ya 16 bora baadaye mwezi huu.

Kanumba Aonekana Tabata!

GAZETI LA UDAKU LEO

Kanumba Aonekana Tabata!

 

 

Fabrice Muamba awapatia keki wafanyakazi wa hospital.

Friday, April 13, 2012

Fabrice Muamba awapatia keki wafanyakazi wa hospital.

  hii ndo keki waliopatiwa wafanyakazi wa hospital waliomtibu Fabrice Muamba.

Kiungo wa Bolton Wonderers Fabrice Muamba muda wowote kutoka hivi sasa sasa anaweza kutoka Hospitalini baada ya afya yake kutengamaa

NAFASI ZA AJIRA MKOANI RUVUMA ZATANGAZWA

NAFASI ZA AJIRA MKOANI RUVUMA ZATANGAZWA

TANGAZO LA NAFASI YA KAZI

Ofisi ya Mkuu wa Mkoa wa Ruvuma Sehemu ya Afya na Ustawi wa Jamii kwa kushirikiana na wafadhili Walter Reed, wanatangaza nafasi za kazi kama ifuatavyo:-

1.

PROGRAMME OFFICER:​NAFASI MOJA (1)

Kazi za kufanya:

•

Kusimamia na kuratibu shughuli za mpango wa Huduma kwa wanaoishi na Virusi vya UKIMWI kwa kushirikiana na Mratibu wa Kudhibiti maambukizi ya UKIMWI Mkoa (Tiba)

•

Kutekeleza kazi nyingine kama atakavyoelekezwa na Msimamizi wa Huduma za Afya Mkoa

Sifa za kuingilia:

-

​Wenye shahada ya Udaktari (MD) au Stashahada ya Udaktari (AMO) ambaye amehitimu katika vyuo vinavyotambuliwa na Serikali.

-

Asiwe mwajiriwa wa Serikali au Taasisi nyingine ya Serikali na Serikali za Mitaa ndani ya Mkoa.

Mwisho wa kutuma maombi ni tarehe 25/04/2012

2.

AFISA UFUATILIAJI NA TATHMINI (MONITORING & EVALUATION OFFICER 1 NAFASI MOJA (1)

Kazi za kufanya:

•

Kufuatilia na kutathmini maendeleo ya mradi kwa kushirikiana na Meneja wa Mradi

•

Kuwezesha na kutoa ushauri na tafsiri ya Sera, Mipango, mikakati na miongozo kuhusu taarifa za Afya kwa mujibu wa miongozo ya Wizara ya Afya

•

Kutekeleza kazi nyingine kama zitakavyoelekezwa na Meneja wa Mradi

Sifa za kuingilia:

-

Wenye Shahada/Shahada ya Uzamili katika fani ya Mipango, Uchumi na Takwimu kutoka Vyuo vinavyotambuliwa na Serikali.

-

Mwisho wa kutuma maombi ni tarehe 25/04/2012

3.

MHASIBU:

Kazi za kufanya:

•

​Kufanya kazi kwa kushirikiana na Meneja wa Mradi

•

​Kusimamia shughuli zote za Uhasibu katika Mradi

•

​Kudhibiti hati za malipo

•

​Kujibu hoja za Ukaguzi

Mwisho wa kutuma maombi ni tarehe 25/04/2012

SIFA ZA KUINGILIA:

-

​Awe na Shahada au Stashahada ya Uhasibu kutoka kwenye vyuovinavyotambuliwa na Serikali

4.

WATUNZA KUMBUKUMBU NAFASI TANO (5)

Kazi za kufanya:

•

Kufanya kazi kwa mujibu wa maelekezo ya Meneja wa Mradi

•

Kuandaa na kutunza taarifa /kumbukumbu na nyaraka mbalimbali za Mradi

•

Kukusanya na kuhifadhi taarifa mbalimbali za wagonjwa.

Sifa za kuingilia:

-

Awe na Shahada au Stashahada, au cheti cha utunzaji wa kumbukumbu kutoka chuo kinachotambuliwa na Serikali.

Mwisho wa kutuma maombi ni tarehe 25/04/2012

Maombi yote yatumwe kwa:

Katibu Tawala wa Mkoa,

S.L.P. 74,

SONGEA.

AU

​ Mganga Mkuu wa Mkoa,

​ S.L.P. 5,

​ SONGEA.